ОбъектъсОбъектъс


"Ӧнерчиослэн юртсы, 1932–1936-тӥ аръёс "

К. Маркс урамысь 208 номеро юртэз ӝутон 1932-тӥ аре кутскиз. Ӧнерчиослы чаклам 50 висъето-квартираё коркалэн архитекторез Л.П. Шкляев луиз. Юртлы ӵектосэз но сое лэсьтыны чаклам коньдон лыдъетэз Мускоысь авторъёс дасязы. ВКП (б)-лэн ЦК-езлэн но СССР-ысь СНК-лэн пуктэтсыя та выллем коркаос кунысь 67 карын ӝутскизы. «Ӧнерчиослэн юртъёссы» быдэс Кенешо Союзын одӥг ӵектосъя лэсьтӥськизы но ву шапыкъёс выллем ог-огзылы тупаллязы. Тунсыко соиз но: Ижкарысь юртлэн «кыктоез» Киевын но ӝутэмын вал, но ожтыл аръёсы бомбаос улын куашказ.

Юрт чакламын вал тодосчиослы, ИТР-лы, устолык удысын ужасьёслы но эмчиослы, кудъёсыз индустриализация ортчон вакытэ Ижкаре ужаны лыктӥзы.

«Ӧнерчиослэсь юртсэс» Ижкарын 1936-тӥ аре инвожое йылпумъязы. Со лэсьтэмын вал архитектураысь конструктивизм ӧрлэн куронъёсызъя.

1996-тӥ аре юртын тылпу улӟиз. Бергес коркаез тупатӥзы но отчы нимысьтыз мансарда-этаж йылтӥзы на.
Удмурт Элькун Кивалтэтлэн 2001-тӥ аре 17-тӥ куарусёнэ кутэм 966-тӥ номеро пуктэтэзъя, кудӥз «Удмурт Элькунысь калыклэн историысьтыз но лулчеберетысьтыз недвижимой объектъёссэ интывылъя (Удмурт Элькунъя) историлэн но лул-чеберетлэн синпелетэныз лыдъян сярысь» нимаське, юртъер лулчеберето кылёсбурысь объектъёс радэ пыртэмын.

Страна:

Россия

Город:

Ижевск
Адрес:
К. Маркс урам, 208
Поделиться страницей
04.07.2014
Информационно-аналитическоe управление Администрации города Ижевска © 1998-2019г.
При любом использовании материалов сайта ссылка (в Интернете - гиперссылка) обязательна