ОбъектъсОбъектъс


"И.Д. Пастуховлы синпелет"

"Иван Дмитриевич Пастуховлы, большевиклы, Ижысь кенешлэн исполкомезлэн тӧроезлы, Советъёслэн II Россиякуспо съездзылэн депутатсылы но ВЦИК-лэн ёзчиезлы, кудзэ 1918-тӥ аре тӧдьыос быдтӥзы, Ижкарын синпелет 1933-тӥ аре кылдӥз.

Монументлэн авторез – Мускоысь скульптор Иван Семенович Ефимов. И. С. Ефимов – суредан устолыкъя пересьёсыз усточиос пӧлы пырись, Валентин Серовлэн дышетскисез – туж быгатӥсь, яркыт скульптор но суредась-график вал. Солэн дас витез тужгес но ӟеч ужъёсыз Кун Третьяков галереяын но Санкт-Петербургысь Ӟуч музейын возьматӥсько.
Синпелетлы ӵектос-проект лэсьтон сярысь куронэн И.С. Ефремовлы 1930-тӥ аре вазиськизы. Ижкаре вуылыса, Иван Дмитриевичлэн улонэзлы но ужамезлы сӥзем ужкагазъёсын пыр-поч тодматскыса, скульптор Мускоысь мастерскояз синпелетлы кӧня ке модель дасяз. Котыр ласянь пыр-поч быръем-эскерем бере умоен лыдъямын вал соиз, кытын тужгес яркыт революционерлэн-пролетарийлэн тодметъёсыз шараясько. Ӵапак со моделья Ленинградысь ""Монументскульптура"" заводын синпелетлы статуя дасямын вал.

1968-тӥ арозь И.Д. Пастуховлы сӥзем синпелет даногес интыын – Александр Невскийлэн Собореныз артэ (совето вакытэ – «Колосс» кинотеатр дорын) – сылӥз. Синпелет пуктэмын вал выль интые «карлэсь шорзэ нимлыко выжтэмен» валче. Тросэз татысь историен но политикаен герӟаськем мугзэ-выжызэ гинэ адӟо. Но быгатэ меда умойтэм ужен герӟаськем большевик, со зэмзэ но тӧдьыослэн кизылэсь шимес быронэн быриз ке но, Ижкарлэн Шор падвожаз сылыны? Иван Дмитриевич Пастуховлэн тужгес но бадӟым ужез-подвигез уго карлэсь казназэ талан лыдъяське – 12,7 млн. манет, ваньмыз сямен сюрс манетъем ассигнациосын.

Удмурт Элькун Кивалтэтлэн 2001-тӥ аре 17-тӥ куарусёнэ кутэм 966-тӥ номеро пуктэтэзъя, кудӥз «Удмурт Элькунысь калыклэн историысьтыз но лулчеберетысьтыз недвижимой объектъёссэ интывылъя (Удмурт Элькунъя) историлэн но лул-чеберетлэн синпелетэныз лыдъян сярысь» нимаське, лулчеберето кылёсбурысь объектъёс радэ пыртэмын."

Страна:

Россия
Город:
Ижевск
Адрес:
Коммунаръёс но Красногеройской урамъёслэн сюресвожзы
Поделиться страницей
03.07.2014
Информационно-аналитическоe управление Администрации города Ижевска © 1998-2019г.
При любом использовании материалов сайта ссылка (в Интернете - гиперссылка) обязательна