ОбъектъсОбъектъс


И.Л. ВАСИЛЬЕВ ЧИНОВНИКЛЭН КОРКАЕЗ

И.Л. Васильев чиновниклэн коркаез 1912-тӥ аре аслаз кузёезлэн ӵектосэзъя лэсьтэмын. Иван Логинович Васильев инженер – советник но заводысь мастерскоен кивалтӥсь. Ӵапак солэн тыршеменыз Ижкарын лыдӟонъюрт, хорен кырӟанъя но оркестр крезьгуръя школа кылдытэмын вал. И.Л. Васильев кивалтӥз театрез яратӥсьёслэн пичигес гинэ асмылкыдо труппаенызы, ачиз ик лыдӟись но, режиссер но вал.

Заводысь чиновникъёс пӧлысь огшорылыкеныз но ужасьёслы-рабочийёслы ӟеч мылкыдыныз висъяськылӥз.
Юртэз чеберматон понна Васильев мычиськись карнизъёсты, укноослы пиньям котыретъёсты, гранё изъёсты-рустъёсты кутӥз. Ваньмыз та вашкала ӟуч висъетъёсты-палатаосты тодэ вайытэ. Ӵемысь Васильевлэн юртаз пуктыны чаклам пьесаосты шара лыдӟонъёс ортчылӥзы, татын декорациослэн но дӥсьёслэн эскизъёссы сярысь кенешылӥзы, тужгес устооссэ спектакльёсты-премьераосты пусъёнъёс-шулдыръяськонъёс ортчылӥзы.
Коркалэн мукет яркыт палыз Совето вакытэн герӟаськемын. 1933–1935-тӥ аръёсы юрт кузьмамын вал Ижкарысь эминститутэз одӥгезлы кылдытӥсьлы, солэн нырысетӥ проректорезлы В.Н. Паринлы, эм тодосъёсъя докторлы, РСФСР-ысь но УАССР-ысь тодосъя Дано ужасьлы, синмаськымон профессорлы-хирурглы. 1934-тӥ аре та коркан озьы ик улӥз солэн пиез – Б.Н. Парин, Ижкарысь вир басьянъя станциез (со усьтӥськиз 1934-тӥ аре коньывуонэ) радъясь-кылдытӥсь, берло – Горький карысь эмъинститутлэн профессорез. Юртын тодосчиослэн кык кабинетсы но висисьёсты эскерон висъетсы интыяськизы. Удысчиослы сӥзьыса, 1992-тӥ аре корка борды мемориал пул шуккемын вал.

Берлогес В.И. Васильев чиновниклэн юртаз Удмуртиысь крезьгурчиослэн Огазеяськонзы интыяськиз.
Удмурт Элькун Кивалтэтлэн 2001-тӥ аре 17-тӥ куарусёнэ кутэм 966-тӥ номеро пуктэтэзъя, кудӥз «Удмурт Элькунысь калыклэн историысьтыз но лулчеберетысьтыз недвижимой объектъёссэ интывылъя (Удмурт Элькунъя) историлэн но лул-чеберетлэн синпелетэныз лыдъян сярысь» нимаське, юртъер лулчеберето кылёсбурысь объектъёс радэ пыртэмын.

Страна:

Россия

Город:

Ижевск
Адрес:
Ленин урам, 15
Поделиться страницей
02.07.2014
Информационно-аналитическоe управление Администрации города Ижевска © 1998-2019г.
При любом использовании материалов сайта ссылка (в Интернете - гиперссылка) обязательна