А.Ф. Дерябинлы синпелет


А.Ф. Дерябинлы – синмаськымон ӟуч ужасьлы, XIX даурлэн кутсконысьтыз горной инженерлы – синпелет пуктэмын 1907-тӥ арын Ижкарысь пыӵал лэсьтонъя заводлэн Валтӥсь корпусэзлэн пыронэзлы пумитэ. А.Ф. Дерябинлэн (1770–1820) нимыз зарни пусъёсын гожтэмын ӟуч технической малпаськонлэн но шаерысьтымы промышленностьлэн азинскон историяз.

Наполеонэн ожгар кутскемлэсь азьло Россилэн Кивалтэтэз Уралын пыӵал-тӥрлык дасянъя выль завод кылдытыны малпаз. Со понна А.Ф. Дерябин (Горноблагодатской, Пермской но Камской заводъёслэн кивалтӥсьсы, Дедюхинской сылалпоттонниосын кивалтӥсь) Ижысь корт дуронъя заводэз кутыны дэмлаз (кылдытэмын 1760-тӥ арын). Дерябинлэсь малпанзэ ӟечен лыдъязы. Солы ик лэсьтӥськон ужез но оскизы.

1807-тӥ арын 10-тӥ инвожое сиё-дано усьтэмын вал заводлы кутскон сётӥсь Оружей контора. Куинь ар ӵоже Андрей Федорович Дерябин заводэз пуктонэн-ӝутонэн кивалтӥз; пыӵал-тӥрлык поттонэз сяна, со инструментальной ужпӧрез но радъяз. 1810-тӥ арын сое шоркаре басьтӥзы. Берлогес А.Ф. Дерябин Ижкарысь пыӵал лэсьтонъя заводэн юн кусыпъёс возиз.

А.Ф. Дерябинлы синпелет кылдытӥсь Иван Никанорович Ситников, театрын суредась луыса ужась, ӧнерезлы ас кожаз дышетскем адями, живописец, график, скульпотор, улонысьтыз тужгес но бадӟым ужзэ оберберггауптман Андрей Федорович Дерябинлэн вашкала гравюраезъя быдэстӥз.

Синпелет А.Ф. Дерябинлэсь вылтуссэ Александр эксэйлэн вакытэзлы тупась мундирен адӟытэ, озьы ик Анналэн орденэныз но пельпум вылтӥз лэзем лентаен сётэ. Ыргонлэсь лэсьтэм портрет возьматэ Дерябинлэсь зэмос туссэ. Огшорылыкен артэ авторлэн устолыкез но шӧдӥське: усточи А.Ф. Дерябинлэсь бадӟым адями луэмзэ но историын зэмос интызэ возьматыны быгатӥз.

Завод кылдытӥсьлэн бюстэз интыямын вал Иж тыметлэн ӵыпет вылаз, Валтӥсь корпус вадьсын, Шор башняеныз одӥг гож-линиын. Постаментлэн кыкнапалаз интыямын Александр I но Николай II эксэйёслэн вензельёссы. Пьедесталлы сьӧр ласянь интыям ыргон пул вылэ пусъемын: монумент «пуктэмын Ижысь пыӵал лэсьтонъя заводлы 100 ар тырмонэзлы сӥзьыса: 1807-тӥ арын 10-тӥ инвожое» – 1907-тӥ арын 10-тӥ инвожое».

Али А.Ф. Дерябинлэн синпелетэз дорысь сэрег Ижкарысь тужгес но тодмо но яратоно интыос пӧлы пыре.

Страна:

Россия
Город:
Ижкар
Адрес:
проезд Дерябина, 3
Поделиться страницей
09.07.2013
Информационно-аналитическоe управление Администрации города Ижевска © 1998-2019г.
При любом использовании материалов сайта ссылка (в Интернете - гиперссылка) обязательна