ОАО "Ижмаш"-лэн история музеез (Коньдон утён кладовой)


ОАО «Ижмаш»-лэн музей юртэз пыре Ижкарысь пыӵал лэсьтонъя заводлэн нырысетӥосыз излэсь лэсьтэм юртъеръёс пӧлы. Сое ӝутӥзы 1804-тӥ аре заводлэсь коньдонзэ утён понна.

XIX даурлэн ӝыныёзяз юртлэн липетэз музъемлэсь вал. 1852-тӥ арын И.Т. Коковихин архитектор уксё возьыны чаклам интыез паськытатӥз но гауптвахталы пӧрмытӥз. 1881-тӥ арын юрт азьын мерлыко сад кылдытэмын вал. 1885-тӥ аре юртъёсты гарнизонысь командалы чаклам няньпыжонни, сиёнпӧранни но сиськонни каризы.

Уксё возён кладовой – пичигес, одӥг этажъем, шонерсэреглы укшась юрт, солэн кык азбарез вань. Одӥгез, уйшор паласез, юртъерлэсь фасадзэ быдэсак пытса. Мукетыз – пуш азбар – тужгес вужез но вылез люкетъёсыз вискы интыяське.

Нырысетӥез лэсьтэм борддоръёс борды куинь ласянь ӝутӥськизы выль висъетъёс, соин ик лэсьтос юртъерлэн шораз кылиз. Юртлэн педло потӥсь борддоръёсыз метр но ӝыны зӧктаесь, отчы азбаре учкись укноос лэсьтэмын. Юртлэн ӝытшор борддорез 5 ньыльсэрего нишаосы висъяллямын. Алигес со электроподстанциен валче туала амалъёсын тупатъямын вал.

Ӵукшор паласен нырысь лэсьтэм люкет борды И.Т. Коковихинэн лэсьтэмез люкет итӥське.

Революцилэсь азьло татчы Ижкар лесничестволэн кивалтэтэз интыяськылӥз, 1960-тӥ аръёсы – «Удмуртгаз»-лэн кивалтэтэз. Берлогес та юртъере «Ижмаш» ОАО огаезяськонлэн музей экспозициосыз но коллекциосыз интыямын вал.

Туннала нуналэ «Ижмаш» музейын турлы пыӵал-тӥрлыкъёс люкамын, кудъёссэ завод пӧртэм аръёсы поттӥз: соос пӧлын нырысетӥ лэсьтэмъёсыз но, тужгес туалаосыз но. Музейын 4 сюрслэсь трос арбериос утисько, 350-лэсь трос пыӵал-тӥрлыкен герӟаськем экспонатъёс возьматӥсько, кудъёсыз Ижмашын лэсьтэмын.

Страна:

Россия
Город:
Ижкар
Адрес:
Свердлова урам, 32
Поделиться страницей
09.07.2013
Информационно-аналитическоe управление Администрации города Ижевска © 1998-2019г.
При любом использовании материалов сайта ссылка (в Интернете - гиперссылка) обязательна