Дун-Чылкыт Троицалы сӥзем черк


Дун-Чылкыт Троицалэн черкез ӝутэмын вал 1814-тӥ аре С.Е. Дудин архитекторлэн ӵектосэзъя (проектэзъя) – пулэсь лэсьтэм шайвыл часовня интые. 1814-тӥ аре храмез освятить кариз Захарий Лятушевич протоиерей. Cо вакытэ выль черк Александро-Невской собор борды гожтэмын вал.

1852–1857-тӥ аръёсы черк борды И.Т. Коковихинлэн ӵектосэзъя улӥ гырлыжугонни лэсьтӥзы. 1912–1914-тӥ аръёсы, черклы 100 ар тырмыку, губерниысь архитекторлэн И.А. Чарушинлэн ӵектосэзъя куинь ярусъем гырлыжугонни кылдытэмын вал.

1937-тӥ аре Троицкой соборысь вань духовной ужасьёсты пытсазы, нош ачиз собор УАССР-ысь ЦИК-лэн Президиумезлэн пуктэмезъя ворсамын вал. Кык ар ортчыса, храмлэсь куползэ но алтарь люкетсэ сэрттӥзы.

Быдӟым ожгар бере черкез выльысь усьтӥзы; 1946-тӥ аре 17-тӥ оштолэзе бадӟым вис бере нырысьсэ Инмарлы вӧсяськон ортчиз. 1946-тӥ аре 12-тӥ куарусёнэ черклэн валтӥсь престолэз Живоначальной Троица понна освятить каремын вал. Та храм УАССР-лэн шоркарезлэн валтӥсь кафедрал Соборез луиз.

Черклэн туала тусыз 1985–1991-тӥ аръёсы кылдӥз, соку С.А. Макаров архитекторлэн ӵектосэзъя одӥг ярусъем гырлыжугонни лэсьтӥзы. Соборлэн уйшор но лымшор палъёсаз кык этажъем юртъёс кылдӥзы, лэсьтэмын вал Чукынон (Пылатон) храм, кудзэ Дун-чылкыт пророк, Предтеча но Креститель Господен Иоанн нимын освятить каризы.

Соборлэн куинь люкетъёсыз висъясько: валтӥсь алтарь Дун-Чылкыт Троицалы сӥземын, уйшор люкетэз – Дун-Чылкыт Пантелеймонлы, лымшор люкетэз – Дун-Чылкыт Екатериналы. Русез Чукынонлы (Пылатонлы) 1000 ар тырмемен валче черк кортлэсь лэсьтэм пужыё кенерен котыртэмын вал. 2000-тӥ аре Дун-Чылкыт Троица Соборен артэ ӝутэм храм Дун-Чылкыт эмчилы Пантелеймонлы сӥземын.

Али дыре та Храмын интыяське но ужа Ижкарысь но Удмуртиысь Епархилэн кивалтэтэз.

Страна:

Россия
Город:
Ижкар
Адрес:
ул. Советская, 31
Поделиться страницей
09.07.2013
Информационно-аналитическоe управление Администрации города Ижевска © 1998-2019г.
При любом использовании материалов сайта ссылка (в Интернете - гиперссылка) обязательна