Кресто-Воздвиженской часовня


Кресто-Воздвиженской часовня пуктэмын вал со интыын, кытын дауркылъёсъя 1813-тӥ (1817-тӥ) аре куарусёнэ Ильинской черклэн киросэз шедьтэмын вылэм. «Бадӟым азвесь зарнивуам запрестольной киросэз» нюлэскы музъеме согиллям 1774-тӥ аре, Е. Пугачёвлэн Иж завод каргуртэ пыремезлэсь азьло.
Шедьтэм интыязы кирос пуктӥллям, нош 1879-тӥ аре, мастеровойёсты кужмысь ужатыса воземлэсь мозмытонлы (1867) сӥзьыса, М. И. Коковихин архитекторлэн ӵектосэзъя пичигес часовня ӝутӥллям.
XIX дауре часовня интыяськемын вал Ижкарысь Пыӵал поттон заводлэн каргуртэз сьӧрын, «соловьёв бусыосын» (турнан возьёслэн кузёзылэн нимызъя). Туннэ нуналэ со шоркарлэн выль лэсьтӥськемъёсыныз котыртэмын, Арсеналлэсь кыдёкын ик ӧвӧл.
Совето вакытэ часовняез, кудӥз котыртэмын вылэм пулэсь пристройёсын, школалэн лэсьтӥськон юртэз чотын возиллям. Выль школа пуктэм бере, 1960-тӥ аре часовня бордысь пристройёссэ сэрттӥзы, нош 1996-тӥ аре сое выльысен вӧсязы.
Котькуд ар Инмарлэсь Зэмос но Улӟытӥсь Кироссэ Пуктэмлы сӥзем Нуналэ часовня доры трос калыко Киросэн ветлонъёс ортчыло.

Страна:

Россия
Город:
Ижкар
Адрес:
ул. Коммунаров, 313б
Поделиться страницей
09.07.2013
Информационно-аналитическоe управление Администрации города Ижевска © 1998-2019г.
При любом использовании материалов сайта ссылка (в Интернете - гиперссылка) обязательна