М.Т. Калашников нимо МВК


М.Т. Калашников нимо ыбылӥськон оружилэн музей-адӟытон огъетэз 2004-тӥ аре кылдӥз. Со соку ик Ижкарлэн одӥгез дано умкымонлыкез луиз, угось шоркарлэн пыӵал-тӥрлык поттон историез 200 арлэсь кемагес кыстӥське ини.

МВК-лэсь юртсэ лэсьтон, кудӥз сӥземын Ижкарлэн дано адямиезлы, ыбылӥськон оружилэн валтӥсь конструкторезлы М.Т. Калашниковлы, 1996-тӥ аре кутскиз. Ӵошатскон амалэн быръем ӵектосэз «Прикампроект» институт быдэстӥз, лэсьтӥськонлэн валтӥсь подрядчикез – 8-тӥ номеро ФГУП УССТ луиз.

Музеез усьтон М.Т. Калашниковлэн 85 арес тырмонэзлы тупатэмын вал, дано ужрад ортчиз 2004-тӥ аре 4-тӥ шуркынмонэ – Удмуртилэн Кунлык нуналаз.

Туала музейлэн возьматонъёсыз вылӥ технологиен, интерактивной амалэн радъямын. Музейлэн шорсюлмыз – Михаил Тимофеевич Калашников луэ, соин тодматскон бордысен кутске Ижкар сярысь но солэн Россиын пыӵал поттонын валтӥсь инты басьтэмез сярысь вераськон.

Татын вань возьматон залэз, кытчы пыре пыӵалэн ыбылонъя туала тир, люкамын вашкала но туала пыӵал-тӥрлыкъёслэн образецъёссы, озьы ик вань пневматика но арбалет тир, кытын мультимедийной программаос кутӥсько.

Музей огъетлэн-комплекслэн огъя пасьталаез – 4000 кв.м. Адӟытон залъёс 1000 кв. м.-лэсь бадӟым инты басьто.

Музей усьтӥськем дырысен «Адямилэн адӟонэз» нимо адӟытон ужа: со сӥземын быдэс дуннеысь тодмо конструкторлы.

Музей пӧртэм адямиослы тунсыко луэ – Удмурт Элькунын, Россиын улӥсьёслы но, кунгож сьӧрысь куноослы но.

Страна:

Россия
Город:
Ижкар
Адрес:
Бородина урам, 19
Поделиться страницей
09.07.2013
Информационно-аналитическоe управление Администрации города Ижевска © 1998-2019г.
При любом использовании материалов сайта ссылка (в Интернете - гиперссылка) обязательна