Свято-Михайловской собор


Михайло-Архангельской черк лэсьтыны кутскемын вал 1897-тӥ аре из часовня интые, кудӥз вӧсямын вал 1855-тӥ аре Дун-Чылкыт Архистратиг Михаиллэн нимыныз но сӥземын Быдӟым князез Михаил Николаевичез Иж заводъёслы генерал-фельдцейхмейстере пуктонлы.

Храмез 1997-тӥ арысен кутскыса 1907-тӥ арозь лэсьтӥзы – Иж заводъёсысь ужасьёслэн но служащойёслэн асьсэ коньдонэнызы, Вятка губерниысь И.А. Чарушин архитекторлэн ӵектосэзъя.

1896-тӥ аре Лэсьтӥськонъя комитет кылкутӥз, выль собор Александро-Невской соборлэсь ӝужытгес луыны кулэ ӧвӧл шуыса. 1897-тӥ аре уж мытэмын вал; огъя ужъёс йылпумъяськизы 1907-тӥ арлы; но азьланяз храмез чеберматон, революция югдурен валче, дугдытэмын вал.

Храмез Мускоысь тужгес но ӟечъёсыз оброссуредасьёс гожъязы. Храмлэн вань образъёсыз эксэйлы матын луись суредасьлэн – обросъёсыз гожъясь В.П. Гурьяновлэн – мастерскойёсаз кылдытэмын вал.

Нырысетӥ храмлэн 3 престолэз вал: валтӥсез – Дун-Чылкыт Архистратиг Михаиллы сӥземын, лымшор паласез – Дун-Чылкыт Николай Чудотворецлы, уйшор паласез – Дун-Чылкыт Мученица Александралы. Валтӥсь престол 1907-тӥ аре 4-тӥ шуркынмонэ вӧсямын вал.

Жаляса верано, оскисьёс киын храм кема ик ӧй вал. 1929-тӥ аре 19-тӥ южтолэзе ужасьёслэн но ожгар депутатъёслэн Иж горсоветсы пуктӥз: «Михайловской, Александро-Невской соборъёслэн но Покровской черклэн религиозной общинаосынызы юртъёсты арендовать карон сярысь вачекылъёсты дугдытоно». Михайловской соборез музей яке рабочий университет карыны чакламын вал.

1929-тӥ аре 27-тӥ куартолэзе Собор пытсамын вал, но Ижкарысь милициын ужасьёс сое опечатать каризы. Кӧня ке ар ӵоже черклэн юртаз шаертодонъя Улосвыл музей интыяськиз, нош 1937-тӥ аре УАССР-ысь Калык Комиссаръёслэн Кенешсы Михайловской соборлэсь юртсэ куашкатон сярысь кылкутӥз – «интыез кар театр лэсьтон улэ бушатон понна».

2000-тӥ аре Удмурт Элькунлэн Кун Кенешезлэн Президиумезлэн но Удмурт Элькунлэн Кивалтэтэзлэн кылкутэмзыя Свято-Михайловской соборез ӝутонъя ужъёс кутскизы. 2004-тӥ аре куартолэзе вуоно соборлэн интыяз вӧсям кирос пуктэмын вал.

2007-тӥ аре 16-тӥ куартолэзе Ижкар но Удмурт митрополит Николай улӥ храмез Вералэн, Надеждалэн, Любовьлэн но соослэн анайзылэн Софиялэн нимынызы вӧсян ортчытӥз. Нош 2007-тӥ аре 5-тӥ гудырикошконэ Архистратиг Михаиллы сӥзем валтӥсь престолэз Быдэс Русьлэн Патриархез Алексий II вӧсяз, со ик храмын нырысетӥ литургия ортчытӥз.

2012-тӥ аре куартолэзе оброссуредась мастерской, кудӥныз кивалтӥз Александр Гусаковский (ООО «Возрождение»), Свято-Михайловской соборез гожъян-суредан ужъёссэ йылпумъяз; фрескаос пуктэмын вал Соборлэн пуш борддоръёсыз вылэ – 4500 кв. м. Котькуд композициез, котькуд святойлэсь образзэ мастерскойлэн валтӥсь суредасез Иван Лебедев нырысь-валысь суредаса дасяз; собере сое, борддоре суредан вылысь, Удмурт но Ижкар митрополит Николай благословить кариз. Аспӧртэмлыко пужыос-орнаментъёс кылдытон бордын Мария Лебедева тыршиз.

Страна:

Россия
Город:
Ижкар
Адрес:
ул. К. Маркса, 222
Поделиться страницей
09.07.2013
Информационно-аналитическоe управление Администрации города Ижевска © 1998-2019г.
При любом использовании материалов сайта ссылка (в Интернете - гиперссылка) обязательна